Os afeccionados do Racing Club Ferrol que desexen acompañar ao equipo esta fin de semana na súa visita ao CD Extremadura xa poden adquirir as súas localidades para o encontro que se disputará o próximo domingo ás 18.30 horas no Estadio Francisco de la Hera.

As localidades están dispoñibles directamente a través da plataforma de venda en liña habilitada polo conxunto estremeño.

O prezo das localidades é de 15 euros para adultos e de 7 euros para nenos de entre 6 e 13 anos. Pola súa banda, os menores de 6 anos poderán acceder ao estadio de forma gratuíta, sen necesidade de adquirir entrada.