Venda de entradas para o partido do venres contra o CD Guadalajara no Pedro Escartín
As localidades son xestionadas directamente polo CD Guadalajara a través da súa web
O CD Guadalajara puxo xa á venda as entradas para a bancada visitante de cara ao partido correspondente á 31.ª xornada da Liga Versus e-Learning de Primeira Federación, que se disputará o venres 3 de abril, ás 16.00 horas, no Estadio Pedro Escartín.
As entradas poden adquirirse a través da web do CD Guadalajara.
A afección visitante estará situada no Fondo Sur, nos sectores 1 e 2.
O prezo das localidades é de 15€ para maiores de 18 anos. Os nenos de 0 a 6 anos entran de forma gratuíta, mentres que os mozos de entre 6 e 17 anos deberán aboar 10€. Estas últimas entradas son de venda exclusiva en billeteira.