O valor de xogar na Malata
O Racing recibe mañá ás 14.00 horas ao Arenas Club
A novena xornada da Liga Versus E-Learning de Primeira Federación trae a A Malata a un histórico do fútbol nacional: o Arenas Club, que, entre outros honores, ostenta o de ser o conxunto máis antigo da categoría —fundado en 1909—, ademais de ter nas súas vitrinas un título de Copa —fundado en 1919— e ser un dos fundadores do Campionato Nacional de Liga —fundado en 1928—.
O encontro, que se celebrará ás 14:00 horas, supón o noso regreso a casa despois da vitoria acadada na última xornada a domicilio ante Osasuna Promesas. Nesa contenda, que se pechou cun marcador de 1-2 a favor dos verdes, o equipo viuse na obriga de remontar de novo un resultado adverso, unha das mostras de carácter que o técnico Pablo López pon en valor do seu equipo.
O Racing, que desde o seu inmerecido tropezo en Lugo suma cinco puntos en tres partidos, quere afianzar o seu papel como local despois de dous empates consecutivos na casa fronte ao CD Guadalajara e Ourense CF. De ambos encontros, como do último fronte ao Promesas, o conxunto ferrolán obtivo importantes ensinanzas. A principal, a necesidade de encarar os partidos con plena concentración, consciente de que todos os adversarios da categoría teñen argumentos máis que suficientes para poñelo en apretos.
Así, e aínda que remontar sexa sempre un mérito, Pablo López insistía na necesidade de dominar os encontros desde o principio. Con esta premisa recibe ao Arenas Club, un equipo cuxo rendemento ata o momento variou considerablemente entre os seus partidos como local e como visitante. De feito, como visitante encaixou tres derrotas e a friorenta de sete goles, por tan só un anotado.
Esa verticalidade e desparpaxo, que en ocasións son virtude para o equipo de Jon Erice, tróuxolle máis dun desgusto que en Ferrol tratarán de emendar.
Para este compromiso, Pablo López conta coa única ausencia de Álex Zalaya, afectado por unha rotura no bíceps femoral que o obrigou a retirarse no último partido ante Osasuna Promesas.
Si estará na convocatoria Chema Rodríguez, que padeceu hai algo máis dunha semana unha subluxación no ombreiro