Peche de tempada en Salamanca
O Racing afronta este sábado o último compromiso da tempada 2025/26 coa súa visita a Salamanca, onde se enfrontará aos Unionistas de Salamanca a partir das 18:30 horas no estadio Reina Sofía.
O conxunto charro chega ao encontro con opcións de certificar a súa clasificación para a Copa do Rei, único aliciente competitivo dun partido con escaso contido en xogo a nivel deportivo.
A pesar diso, o equipo departamental buscará pechar a campaña mantendo a liña de competitividade amosada nas últimas xornadas, que lle permitiu encadear un mes sen coñecer a derrota.
“O peche da tempada pasa por poñer uns mínimos e dar continuidade á estabilidade que atopamos”, sinalou na previa o técnico, Guillermo Fernández Romo.
Para este encontro, o preparador racinguista non poderá contar cos sancionados Álvaro Ramón e Tejera, nin co lesionado Álvaro Mardones. Ademais, Azael será baixa por indisposición.