Portomotor, un respaldo esencial para o Racing

Contar con compañías que apoian de forma decidida o crecemento do club é fundamental para seguir construíndo un proxecto sólido e ambicioso. Portomoto é unha desas empresas cuxa colaboración se converteu nun referente dentro do Racing Club Ferrol.

O seu CEO, Marcos Alonso, visitounos esta mañá con motivo da presentación do partido patrocinado que a firma promoverá este sábado, coincidindo coa visita do CD Lugo a A Malata. O noso director de márketing, Daniel Agra, quixo agradecer publicamente a implicación da compañía, destacando a importancia de contar con marcas que non só ofrecen apoio económico, senón que se identifican coa filosofía e o rumbo do Racing, achegando estabilidade e visión de futuro.

Durante o acto, Alonso subliñou a estreita relación que une a Portomoto coa cidade e coa súa afección, así como o sentimento de implicación que manteñen cara a Ferrolterra e o Racing. Tamén fixo un chamamento para que “entre todos, arrimemos o ombreiro” en torno ao equipo co obxectivo de remontar a súa traxectoria deportiva.

Daniel Agra aproveitou a ocasión para poñer en valor a presenza de case un cento de entidades en torno ao Club de Empresas Racing Club Ferrol 1919.

Como patrocinador destacado do encontro, Portomoto contará cunha presenza reforzada en soportes físicos e dixitais, tanto no estadio como nos canais oficiais do club, dentro dunha tempada na que ambas entidades seguirán desenvolvendo accións conxuntas orientadas á afección e ao crecemento do proxecto.