Parte médico Álvaro Mardones
O futbolista ferrolán, xunto con Artetxe e Tejera, están de baixa. Concha, pola contra, xa ten a alta médica.
As probas diagnósticas realizadas a Álvaro Mardones confirmaron o alcance da lesión que o obrigou a abandonar o encontro do pasado sábado fronte ao CP Cacereño: o futbolista ferrolán sofre un esguince no nocello dereito.
O xogador xa iniciou un tratamento de rehabilitación co obxectivo de acelerar a súa recuperación.
En canto ao estado físico do resto do plantel, a situación actual é a seguinte:
- Sergio Tejera: Presenta unha doenza muscular no abdutor da perna dereita e continúa traballando na súa recuperación á marxe do grupo.
- Markel Artetxe: Evoluciona de forma positiva tras a lesión musculotendinosa sufrida hai unhas semanas no recto femoral da perna esquerda. Tamén segue un plan específico de rehabilitación.
Esta semana recibiu a alta médica David Concha, que xa adestra co resto dos seus compañeiros.