Pablo López deixa de ser adestrador do Racing Club Ferrol
Xunto co técnico herculino, tamén deixa a entidade o segundo adestrador, David Pérez
O Racing Club Ferrol tomou a decisión de prescindir dos servizos de Pablo López como técnico do primeiro equipo da entidade.
Desde o club queremos amosarlle o noso máis sincero agradecemento polo traballo realizado nos últimos meses, así como polo seu firme compromiso e profesionalidade no desempeño das súas funcións.
Así mesmo, tampouco seguirá na entidade David Pérez, segundo adestrador do equipo.
O Racing Club Ferrol deséxalles a ambos o maior dos éxitos nos seus proxectos futuros, tanto persoais como profesionais.