Arranca a LALIGA FC Pro 2025

Cristian Riquelme defenderá as colores do Racing Club Ferrol en LALIGA FC Pro, que a esta semana arranca da man de LALIGA e EA Sports. Mañá e pasado disputarase a primeira das dúas xornadas do campionato regular dunha competición que reúne a 38 clubes do fútbol profesional. A segunda xornada do campionato terá lugar o 11 e 12 de marzo.

Os participantes competirán divididos en oito grupos, disputando o acceso á FC PRO Cup e ás finais, que terán lugar en formato de eliminatoria directa. Real Oviedo, RC Celta, Deportivo Alavés e UD Las Palmas serán os adversarios do Racing Club Ferrol no grupo C. En total, disputaranse dúas roldas en cada grupo, o que aumentará a media de partidos disputados respecto ás tempadas anteriores.

Os tres primeiros clasificados de cada grupo disputarán a FC Pro Cup, que terá lugar o 5 e 6 de abril en San Sebastián. O mellor de cada cadro, ademais de acceder á segunda rolda deste torneo, tamén terá acceso directo ás finais de LALIGA FC Pro. O resto de equipos que loitarán polo título de liga sairán da competición copera.

Por segunda tempada consecutiva, o Racing Club Ferrol afronta este reto da man do equipo de Falke ESport, co cal o ano pasado xa conseguimos unha brillante clasificación para as FC PRO Cup.

O campionato poderase seguir a través de distintas plataformas, entre elas Twitch e YouTube.