Venta de entradas para o partido ante o Real Oviedo en A Malata
A venda comeza de forma preferente para os abonados e a partir do xoves aberta ao público en xeral
O Racing Club Ferrol pon á venda o luns as entradas para o partido que o domingo 8 de decembro, ás 14.00 horas, disputaremos en A Malata ante o Real Oviedo.
A venda comezará só de forma presencial e estará restrinxida para abonados do club ata o mércores. Así, os interesados poderán mercar as súas localidades nas oficinas de A Malata en horario de 10.00 a 17.00 horas durante estas tres xornadas. As entradas son nominativas, polo que será necesario presentar o DNI e o nome da persoa que vaia asistir ao encontro, e só se dispensarán dúas por abonado.
A partir do xoves, as entradas sobrantes dispensaranse tanto de forma presencial -xoves de 10.00 a 17.00 horas- como en liña -a partir do xoves ás 10.00 horas e ata esgotar existencias-.
O prezo das localidades será de 20€ en Fondo Norte, 25€ en Preferencia e 30€ en Tribuna.