Aleksa Puric pon rumbo ao Atlético de Madrid

O Racing Club Ferrol e o Atlético de Madrid chegaron a un acordo para o traspaso de Aleksa Purić á entidade colchonera.

O futbolista serbio chegou ao Racing o pasado verán procedente do Doxa Katokopias e, a pesar da súa mocidade, non tardou en facerse cun oco no once titular. De feito, foi un dos xogadores que gozou de maior regularidade, con 37 encontros disputados, 35 deles no once inicial, e máis de 3.000 minutos sobre o céspede.

Desde o Racing Club Ferrol queremos agradecer o seu desempeño profesional nos últimos meses e desexarlle sorte nesta nova etapa.