Venta de entradas para o partido do domingo ante o Granada CF no Estadio Novo Los Cármenes

Xa temos á venda as entradas para a bancada visitante de cara ao partido que o Racing Club Ferrol disputará o próximo domingo 9 de marzo, ás 21.00, no Estadio Novo Los Cármenes ante o Granada CF.

As persoas interesadas en adquirir algunha das entradas asignadas poden facelo pondo en contacto co Racing a través do correo electrónico marcosmartin@racingclubferrol.net ou no teléfono 981 323 300 (en horario de 10.00h a 17.00h).

O prezo das localidades é de 20€, que deberán ser aboados no momento da compra. Os interesados poderán realizar a xestión antes do xoves ás 17.00 horas, presentando o seu DNI e aportando un correo electrónico.

Con posterioridade, o Granada CF enviará a entrada a cada afeccionado.