O Racing competirá no Grupo 1 da Primeira Federación
A RFEF dividiu os participantes en zonas Este-Oeste
O Racing Club Ferrol xa coñece aos seus rivais para a tempada 2025/2026, na que competirá no Grupo 1 de Primeira Federación. A RFEF anunciou esta mañá o reparto oficial de cadrantes, no que primará a división Este-Oeste.
Isto suporá que nos veremos as caras co resto de equipos galegos, así como con equipos procedentes de Asturias, País Vasco, Navarra, Castela e León, Castela-A Mancha, Comunidade de Madrid, Extremadura e Canarias.
Pontevedra CF, CD Lugo, RC Celta Fortuna, CD Arenteiro, Ourense CF, Real Avilés Industrial, SD Ponferradina, Zamora CF, Unionistas CF, Athletic Club B, Arenas Club, Barakaldo CF, CA Osasuna B, CD Guadalajara, Real Madrid Castilla, CF Talavera de la Reina, CP Cacereño, AD Mérida e CD Tenerife serán os nosos adversarios nun campionato realmente atractivo, con moitos derbis galegos e desprazamentos moi interesantes para os nosos aficionados.
Segundo informou a RFEF, o próximo martes 1 de xullo, ás 20:30 horas, darase a coñecer o calendario oficial que marcará a nosa folla de ruta para os próximos meses.