Venta de entradas para o partido do domingo ante o Cádiz CF
O choque terá lugar o domingo en A Malata, a partir das 14.00 horas
Xa están á venda as entradas para o partido correspondente á 40ª xornada da LALIGA Hypermotion ante o Cádiz CF. O duelo disputarase o domingo 18, ás 14.00 horas, no estadio de A Malata e as localidades pódense adquirir tanto de forma presencial como en liña.
As entradas son nominativas e terán un prezo de 20€ en Fondo Norte (Sectores 9 e 10), 25€ en Preferencia e 30€ en Tribuna. Só se dispensarán catro entradas por persoa e para iso deberá presentar outros tantos DNIs.
No caso de que aínda exista dispoñibilidade de localidades libres, aqueles que queiran adquirir a entrada o día do partido, poderán facelo na taquilla de Preferencia do estadio desde unha hora antes do comezo do encontro.
Horario de oficina: Luns a xoves, de 10.00 a 17.00 horas; venres, de 10.00 a 14.00 horas.