Venta de entradas para o partido adiado contra o Burgos CF
O choque, correspondente á xornada 24ª de LALIGA Hypermotion, disputarase o 5 de marzo en A Malata ás 20.00 horas
As entradas para o partido que o vindeiro mércores día 5 de marzo se disputará en A Malata ás 20.00 horas entre o Racing Club Ferrol e o Burgos CF xa están á venda tanto de forma presencial como online.
A cita corresponde á 24ª xornada de LALIGA Hypermotion e foi aprazado no seu momento polas inclemencias meteorolóxicas.
As localidades son nominativas e terán un prezo de 20€ en Fondo Norte (Sectores 9 e 10), 25€ en Preferencia e 30€ en Tribuna. Só se dispensarán catro entradas por persoa e para iso deberá presentar outros tantos DNIs.
No caso de que aínda exista dispoñibilidade de localidades libres, aqueles que queiran adquirir a entrada o día do partido, poderán facelo na taquilla de Preferencia do estadio desde 1 hora antes do comezo do encontro.
Horario de oficina: Luns a xoves, de 10.00 a 17.00 horas; venres, de 10.00 a 14.00 horas.