Venta de entradas para o partido do domingo en El Molinón
O club porá á disposición dos seus abonados 200 localidades.
O Racing Club Ferrol pon mañá á venda as entradas que o Real Sporting lle asignou para a grada visitante de cara ao partido que o domingo, ás 14 horas, se disputará no estadio El Molinón-Enrique Castro "Quini". O cadro asturiano puxo á nosa disposición 400 localidades das que 150 foron asignadas ás nosas peñas e 50 se reservaron para compromisos do club. As outras 200 distribuiranse a partir de mañá ás 10.00 horas.
A venda está restrinxida a ABONADOS do club e realizarase só de forma presencial nas oficinas de A Malata. Cada persoa pode adquirir un máximo de dúas entradas que deben estar destinadas a abonados do club. As localidades son nominativas, polo que será necesario aportar o DNI, nome e correo electrónico dos afeccionados que vaian acudir ao partido.
O prezo das entradas é de 20€. Aínda que deberán ser aboadas no momento da compra, será posteriormente o Real Sporting o que faga chegar a entrada por correo electrónico.
A partir do xoves pola mañá, o Real Sporting porá á venda a través da súa web entradas para o público en xeral, sendo a Tribuna Norte a ubicación máis próxima á grada visitante.