O primeiro equipo visita a fragata F-102 Almirante Juán de Borbón

O plantel e o corpo técnico realizaron na mañá de hoxe unha visita á fragata F‑102 Almirante Juan de Borbón, nun encontro marcado pola proximidade e o sentimento compartido. A expedición foi recibida por unha dotación na que non faltou a presenza de numerosos afeccionados racinguistas, que demostraron unha vez máis o seu orgullo polas cores verdes alá onde desempeñan o seu traballo.

Durante a visita, os membros do club tiveron a oportunidade de coñecer de primeira man os principais aspectos técnicos do buque, así como o funcionamento diario da fragata e a organización da vida a bordo. A tripulación explicou con detalle como é o día a día nunha unidade deste tipo, destacando a coordinación, disciplina e espírito de equipo necesarios para o correcto desenvolvemento das súas funcións.

Así mesmo, os responsables da Almirante Juan de Borbón compartiron coa expedición información sobre as misións internacionais nas que o buque participou nos últimos meses, poñendo en valor o labor da Armada Española en operacións de seguridade e cooperación no exterior. Un traballo que foi recoñecido polos representantes do club durante o encontro.

Esta visita serviu, unha vez máis, para estreitar os lazos existentes entre a entidade e a Armada Española, a quen agradecemos enormemente a súa hospitalidade e trato cercano, reforzando unha relación baseada no respecto mutuo e no orgullo de compartir valores como o compromiso, o esforzo colectivo e o sentimento de pertenza.