Mardones e Lucas achegan os valores racinguistas ao CEIP Ponzos
Ambos xogadores compartiron unha xornada especial co alumnado nunha visita marcada pola proximidade e a ilusión
A comunidade educativa do CEIP Ponzos abriunos onte as portas do centro para compartir unha mañá chea de ilusión xunto aos máis pequenos, que recibiron con entusiasmo a visita de Álvaro Mardones e Lucas.
Durante a súa estancia, ambos futbolistas percorreron as instalacións do centro educativo, coñecendo de preto o día a día do alumnado e do profesorado. Un dos momentos máis destacados foi o encontro cos nenos e nenas, quen tiveron a oportunidade de formularlles numerosas preguntas sobre a súa experiencia no fútbol e a súa vida como deportistas profesionais.
A visita concluíu cunha sesión de sinaturas e fotografías, na que Mardones e Lucas atenderon a todos os asistentes con gran proximidade.
Sabemos o valor do deporte como ferramenta de inspiración e aprendizaxe e non queremos desaproveitar as oportunidades que se nos presentan de incidir positivamente sobre os máis novos con compromiso e responsabilidade.
Grazas a toda a comunidade educativa do CEIP Ponzos polo seu recibimento e por transmitírnolo todo ese amor polo club. Sentimos o racinguismo máis vivo ca nunca.