Skip to main content
Primer Equipo

Jairo Noriega xogará no Racing

O xogador chega cedido procedente do RC Deportivo

There are no reactions yet. Be the first!

Jairo Noriega (A Coruña, 2003) xogará no Racing Club Ferrol a próxima tempada en calidade de cedido. O futbolista chega procedente do Real Club Deportivo de A Coruña, co que chegamos a un acordo para que o mozo centrocampista vexa os nosos colores nos próximos meses.

Noriega, que se formou nas categorías de base do club herculino, formou parte hai dúas tempadas da plantilla do Fabril, co que competiu en Segunda Federación. Con 26 partidos, 2 goles e 2 asistencias, atopou a regularidade e proxección necesarias para dar o salto, a pasada tempada, á Primeira Federación da man do Ourense CF. Na escadra da cidade das Burgas tivo un destacado rendemento, acumulando 29 partidos e máis de 1.800 minutos no campionato regular. Con 2 goles e 3 asistencias, foi unha peza destacada do equipo que dirixía o agora adestrador do Racing Club Ferrol, Pablo López. Noriega tamén foi un dos responsables da boa marcha dos ourensanos na Copa do Rei, anotando dous goles e dando unha asistencia no torneo do KO.

As súas boas prestacións valéronlle para que o RC Deportivo decidise "recuperalo" cun contrato de longa duración ata 2028.

Agora, chega a Ferrol co desexo de manter a súa proxección nun entorno de máximo nivel e esixencia.