Inauguración Peña O Camarote

Fene —terceiro municipio en Ferrolterra por número de abonados ao club— conta desde onte coa súa primeira peña oficial: a Peña Racinguista O Camarote. O acto de presentación da agrupación tivo lugar no salón de plenos do Concello, onde case un cento de afeccionados acudiron para celebrar o nacemento deste colectivo, no que supuxo un auténtico feito histórico, tendo en conta que é a primeira que se establece na localidade. 

Coa presenza dos nosos xogadores Sergio Tejera, Chema Rodríguez e Álvaro Ramón e o saúdo do presidente do club Manuel Ansede, a peña “O Camarote” iniciou a súa andaina con entusiasmo e o firme propósito de representar ao Racing máis alá de Ferrol —do mesmo xeito que as nosas peñas en Narón ou Madrid—. Entre os seus primeiros espadas, moitos rostros coñecidos de agrupacións vinculadas ao club desde hai anos e, sobre todo, infinidade de racinguistas "de toda a vida".

Desde o Racing Club Ferrol damos a benvida a esta nova peña, agradecemos o seu compromiso e agarimo, e reafirmamos o noso compromiso de traballar con intensidade para devolver ao club canto antes ao lugar que merece.

¡Fene é racinguista. Ferrolterra é racinguista!