Guillermo Fernández Romo dirixirá ao Racing Club Ferrol
O adestrador madrileño chega hoxe á cidade e dirixirá mañá ao equipo nunha dobre sesión de traballo.
O Racing Club Ferrol chegou a un acordo con Guillermo Fernández Romo (Madrid, 23 de novembro de 1978) para que o adestrador madrileño dirixa ao equipo ata final de tempada.
O técnico conta cunha ampla e notable traxectoria na categoría, pero, sobre todo, comparte coa nosa entidade a ambición por regresar ao fútbol profesional.
O seu traballo á fronte de escuadras como a SD Noja, Olímpic Xàtiva, CE Sabadell, FC Jumilla ou SD Ejea levouno ao banco da UE Cornellà, coa que, na súa primeira tempada, quedou a só un tanto de lograr o ascenso a Segunda División. Na segunda, Fernández Romo logrou clasificar ao club catalán para a recentemente creada Primeira Federación.
O técnico madrileño deu o salto na tempada 21/22 ao Real Racing Club, co que non só logrou o ascenso a Segunda División, senón que, con 82 puntos —25 vitorias, 7 empates e 6 derrotas—, alcanzou un rexistro histórico de puntos na liga regular que aínda non foi superado nesta categoría.
Posteriormente, a UD Ibiza ou, máis recentemente, o FC Cartagena —LALIGA Hypermotion— foron os seus destinos.
Guillermo Fernández Romo chega hoxe á cidade para, xa mañá, poñerse á fronte do equipo nunha xornada na que realizará unha dobre sesión de traballo.