O canteirán racinguista competirá esta tempada no conxunto somocense para seguir avanzando na súa progresión deportiva dentro do ecosistema do Racing Club Ferrol.
David Carballo defenderá esta tempada a camiseta da UD Somozas. O Racing Club Ferrol e o futbolista acordaron esta opción como o mellor escenario para favorecer a súa progresión deportiva. O futbolista pontés poderá acumular minutos e experiencia mantendo o seu vínculo co club, que seguirá así de preto a súa evolución.
Canterano racinguista e no seu segundo ano como sénior, Carballo afronta esta nova etapa co obxectivo de seguir desenvolvendo o seu potencial e continuar medrando como futbolista.
A UD Somozas volverá desempeñar un papel importante dentro do modelo de desenvolvemento impulsado polo Racing, ofrecendo a mozos futbolistas un contexto competitivo no que seguir evolucionando sen perder o vínculo coa entidade verde.