Carlos Mouriz non seguirá no Racing Club Ferrol

O Racing Club Ferrol e Carlos Mouriz chegaron a un acordo para finalizar a relación profesional que mantiveron desde 2017.

O noso club quere expresar o seu agradecemento e o seu cariño a Carlos pola súa implicación, compromiso e profesionalidade no desempeño das súas funcións como Director Xeral e Deportivo da entidade.

Do mesmo xeito, desexamos destacar o seu papel nos éxitos deportivos que nos permitiron competir no fútbol profesional durante as duas últimas tempadas.

O Racing Club Ferrol deséxalle moita sorte nesta nova etapa da súa vida.