Álvaro Ramón reforza a zaga do Racing Club Ferrol
O xogador, procedente da SD Ponferradina, conta cunha ampla experiencia na categoría.
Álvaro Ramón (Ponferrada, 2000) será xogador racinguista na tempada 2025/26. O club chegou a un acordo co futbolista berciano para que se poña ás ordes de Pablo López o próximo 16 de xullo. Lateral esquerdo con gran potencial físico, destaca polo seu ritmo alto e a súa capacidade asociativa, así como de centro.
Álvaro Ramón procede da SD Ponferradina, na que militou a última tempada e coa que xogou polo ascenso a LaLiga Hypermotion ata a última eliminatoria, nunha tempada na que disputou 36 encontros, 26 deles como titular, con 2.541 minutos e dous goles.
Ponferrada foi o seu último destino para unha carreira que se desenvolveu principalmente en Segunda División B e Primera Federación. Así, tras formarse na canteira do CD Cuatrovientos e pasar polas categorías de base da Ponferradina, chegou ao Real Club Celta para formar parte do seu equipo xuvenil de División de Honor. De aí deu o salto ao Celta Fortuna na tempada 2019/20. Na seguinte, aínda como parte do club olívico, xogou cedido no Navalcarnero.
Dous anos no Mérida AD, co que conseguiu o ascenso de Segunda a Primera Federación na súa primeira tempada, permitíronlle gañar experiencia e explotar de forma definitiva. Tamén lle abriron as portas do CD Arenteiro, no que militou na tempada 2023/24, con gran continuidade e regularidade.
Tras a súa experiencia en O Carballiño, volveu a “casa”, á SD Ponferradina, onde tivo un destacado papel.
O futbolista berciano acumula gran experiencia en Segunda B e Primera Federación, con 122 partidos e máis de 9.300 minutos na categoría.
Agora, confiamos en que siga crecendo coa camisola racinguista. Álvaro, che damos a benvida confiando en que fagas de Ferrol a túa casa.