Álvaro Ramón, elixido xogador Estrella Galicia do mes de xaneiro

Por segundo mes consecutivo, Álvaro Ramón foi elixido polos afeccionados racinguistas como Xogador Estrela Galicia, un recoñecemento que consolida o gran momento que atravesa o lateral. Nesta ocasión, correspondente ao mes de xaneiro, o futbolista impúxose na votación popular cun 48,2% dos votos, superando a Miquel Parera (42%) e a Antón Escobar (9,9%).

O xogador volveu ser un dos principais referentes do equipo durante as últimas semanas, mantendo un nivel de xogo moi regular. Na entrega do trofeo, Álvaro Ramón expresou o seu agradecemento á afección polas súas valoracións e o apoio constante, aínda que quixo subliñar a importancia do xogo colectivo e do traballo do grupo, resaltando que o mérito é de todo o equipo