Álvaro Juan, velocidade e desborde para a nosa vangarda

O Racing Club Ferrol e Álvaro Juan (Talavera de la Reina, 1999) chegaron a un acordo para que o extremo se incorpore á plantilla racinguista de cara á tempada que está a piques de comezar. O futbolista procede da AD Mérida, equipo no que militou durante as duas últimas campañas e co que disputou a fase de ascenso a LaLiga Hypermotion no último exercicio.

Xogador con gran velocidade, moi vertical e cunha notable capacidade de desborde, Álvaro Juan é un extremo "puro" que se formou nas categorías inferiores do Atlético de Madrid. Iniciou a súa etapa sénior no Rayo Vallecano B antes de dar o salto ao fútbol profesional na tempada 2020/21 da man da AD Alcorcón, co cuxo primeiro equipo chegou a disputar nove partidos en Segunda División.

Posteriormente, defendeu os colores da Cultural Leonesa, o CF Talavera de la Reina e a AD Mérida, conxunto no que xogou as duas últimas tempadas. No total, entre Segunda B e Primera Federación, acumula cen encontros oficiais e máis de 5.700 minutos de xogo. Na súa última campaña coa formación romana anotou dous goles e repartiu unha asistencia.

A banda de A Malata espera por ti, Álvaro.
En Ferrol, como na casa.