Skip to main content

Aitor Buñuel, novo reforzo para o Racing Club Ferrol

There are no reactions yet. Be the first!

Aitor Buñuel (Tafalla, 10/02/1998) súmase á lista de reforzos do Racing Club Ferrol para a tempada que comeza de forma inminente. O xogador navarro actúa como lateral dereito e chega a Ferrol procedente do CD Tenerife, no que xogou as dúas últimas tempadas.

Formado nas categorías de base do Osasuna, estreouse co equipo vermello na tempada 2014/15. Nas súas filas conseguiu o ascenso a Primeira División, xogando quince partidos na máxima categoría. No exercicio 2017/18, recalou no Valencia Mestalla antes de enrolarse nas filas do Racing de Santander, co que marcou un gol decisivo para o ascenso a Segunda. Almería foi o seu seguinte destino antes de fichar polo CD Tenerife.

Aitor Buñuel conta cunha notable experiencia en LALIGA Hypermotion, na que acumula 122 partidos e 7821 minutos.

Desde o club dámoslle a benvida á familia racinguista, que sabemos saberá acollelo como merece.