O Racing Club Ferrol informa de que, unha vez finalizada a súa relación contractual, o técnico Guillermo Fernández Romo e o seu asistente, Elías Martí, non continuarán formando parte do staff técnico da entidade.

O club desexa poñer en valor e agradecer o seu compromiso e profesionalidade durante a súa etapa no Racing Club Ferrol, así como desexarlles sorte nos proxectos persoais e profesionais que emprendan no futuro.