A nosa forza nace de ti, racinguista
Este sábado faremos entrega dun agasallo a todos os abonados antes de acceder ao campo de A Malata
Racinguistas, a vosa fidelidade é un dos grandes motores deste club. Por iso, este sábado queremos ter un xesto especial con quen estades sempre aí, apoiando ao equipo en cada paso do camiño.
Con motivo do partido ante o CD Lugo, que se disputará este sábado ás 16:15 horas na Malata, o club fará entrega dun agasallo exclusivo para os seus abonados.
Para recibilo, tan só será necesario amosar o carné de abonado, xa sexa en formato físico ou dixital, nas portas de acceso ao estadio ao entrar no recinto.
Porque a vosa forza é o noso orgullo. Porque esta familia nunca se rende.