A Malata aperta
O Racing recibe ao CD Lugo nun derbi galego con aroma a play-off
Co CD Lugo situado a un só punto do Racing na clasificación, o encontro de mañá en A Malata (16:15 horas) preséntase como unha loita directa por avanzar na loita polos postos de play-off.
O equipo afronta a cita coa ambición de facerse forte na casa e dar continuidade ao triunfo de hai quince días ante o CD Arenteiro, fronte a un CD Lugo que se atopa en clara liña ascendente.
Para o encontro, Guillermo Fernández Romo contará coa baixa coñecida de Sergio Tejera por sanción. Varios xogadores arrastran molestias físicas e será a súa evolución nas horas previas ao encontro a que determine se a súa participación é factible.
A Malata vestirase de gala para afrontar un derbi que xa no partido de ida, no Anxo Carro, con 2.000 racinguistas nas bancadas, resultou toda unha festa do fútbol galego. A familia racinguista conxurouse de novo para arroupar ao equipo nesta importante cita.
Fidelidade
O Racing Club Ferrol quere premiar a fidelidade de todos os seus abonados, que recibirán un agasallo exclusivo amosando o seu carné, físico ou dixital, nos accesos ao campo de A Malata.