O Racing Club Ferrol poñerá o luns 28 á venda as entradas para o partido que disputará o sábado 3 de outubro, ás 16.30 horas, ante o Pontevedra CF en A Malata, correspondente á sexta xornada de Primeira Federación.

O encontro foi declarado de alto risco, polo que todas as entradas serán nominativas e a venda permanecerá pechada o día do partido, tanto en liña como nas billeteiras do estadio.

As localidades para o público xeral terán os seguintes prezos:

• Fondo Norte: 25 €
• Preferencia: 30 €
• Tribuna: 35 €

A venda en liña comezará o luns 28 de setembro ás 10.00 horas e permanecerá aberta ata o venres 2 de outubro ás 13.30 horas.

A venda presencial realizarase nas oficinas de A Malata de luns a xoves, de 10.00 a 16.30 horas, e o venres 2 de outubro, de 10.00 a 13.30 horas.

AFECCIÓN VISITANTE

O Racing Club Ferrol poñerá a disposición do Pontevedra CF 406 localidades na bancada visitante, situada nos sectores 10 e 11 de Fondo Norte, con acceso pola porta 7.

En virtude do acordo de reciprocidade alcanzado entre ambos os clubs, o prezo da entrada para a afección visitante será de 15 euros. A venda destas localidades será xestionada directamente polo Pontevedra CF.

Polas condicións de seguridade establecidas para o encontro, os elementos identificativos do equipo visitante unicamente estarán permitidos na bancada visitante.