Sorteo para a compra de entradas para o Real Avilés-Racing do 21 de decembro

O Real Avilés Industrial puxo á nosa disposición 200 entradas para a bancada visitante, de cara ao partido que o sábado 21 de decembro disputaremos no Estadio Román Suárez Puerta. Tras outorgar unha porcentaxe ás nosas peñas e colectivos oficiais de afeccionados, o Racing porá á venda 80 entradas entre aqueles abonados que resultasen gañadores dun sorteo previo.

Tanto as entradas como o sorteo están reservados en exclusiva para abonados do club.

Inscrición no sorteo:

• Datas: Do luns 15 de decembro ás 10.00 ao martes 16 ás 14.00 horas.
• Modalidade:
  • En liña: A través do formulario dispoñible na nosa web
  • Presencial: Nas oficinas de A Malata, o luns de 10:00 a 16:30 horas e o martes de 10.00 a 14.00 horas.
• Aberto só a abonados do club
• Cada gañador terá dereito a adquirir un máximo de dúas entradas: unha deberá estar ao seu nome e a outra ao nome de outro abonado. 
• As entradas non poderán ser cedidas a terceiros. 

Sorteo:

O sorteo realizarase o martes 16 ás 15.00 horas.

Compra de entradas:

• As entradas poranse á venda SÓ de forma presencial o mércores de 10:00 a 17.00 horas.
• O pago poderá realizarse en efectivo, con tarxeta ou por transferencia bancaria.
• O prezo das entradas é de 15€.
• Os abonados que resultasen agraciados no sorteo, pero non fagan efectiva a compra antes do mércores ás 16.30 horas, perderán todos os dereitos adquiridos. 

IMPORTANTE: As entradas que non fosen compradas polos gañadores do sorteo poranse á venda só para abonados, ata esgotar existencias, o xoves, de 10.00 a 17.00 horas, e o venres, de 10.00 a 12.00 horas.