Luns de fútbol en Almería
O Racing xoga mañá no UD Almería Stadium
A trigésimo sétima xornada de LALIGA Hypermotion levaranos mañá luns ao Estadio UD Almería, para medirnos ao 20:30 ao equipo anfitrión. Unha contenda na que trataremos de manternos unha semana máis con vida, dar continuidade á vitoria conseguida a pasada semana ante o CD Eldense e, sobre todo, prolongar esas boas sensacións que o equipo deixou na súa última contenda.
Con seis xornadas para o final do campionato, o noso adversario busca tres puntos que lle permitan aspirar a colarse en postos de play-off e facer bos os pronósticos que, por plantilla e condición —recén descendido— o situaban a principio de tempada entre os favoritos en todas as apostas. Con 60 goles a favor, a UD Almería é un equipo de marcado corte ofensivo ao que, sen embargo, lle custa manter a súa solidez atrás. Esa será unha das bazas que tratará de explotar o equipo que dirixe Alejandro Menéndez.
Para a contenda, o Racing contará coa ausencia de Aitor Buñuel, que onte pasou de forma satisfactoria por quirófano para paliar as secuelas que padecía no seu ollo esquerdo dende a súa grave lesión de principio de tempada. Tampouco estarán Erick Cabaco, pendente de que unha resonancia magnética arroxe luz sobre a inestabilidade que sente na súa rodilla tras unha acción nun dos últimos adestramentos; nin Luis Perea, que tamén estaba adestrando co grupo, ata padecer de novo esas molestias no tacón que o tiveron no dique seco nas últimas semanas.
CONVOCATORIA: Bernad, Naim García, Rober Correa, Aleksa Puric, Naldo, Álvaro Sanz, Chiki, Heber, Jauregi, Josep Señé, Nacho Sánchez, Insúa, Yoel, Aitor Gelardo, David Castro, Fran Manzanara, Dorrío, Brais Martínez, Manu Vallejo, Álvaro Giménez, Raúl Blanco e Jesús Ruiz.