O Racing rompe coa súa racha negativa e dalle unha alegría a afección na Malata

O Racing derrotou ao Rápido de Bouzas por 4-0 no campo da Malata. Unha vitoria coa que rompe con 6 xornadas consecutivas sen gañar. Kamate, Rafa Mella e Pablo Rey en dúas ocasións, marcaron os goles que permitiron sumar tres novos puntos e mirar, con algo máis de tranquilidade, a clasificación. O partido non puido comezar mellor para os ferroláns, xa que aos dous minutos Kamate celebraba o primeiro gol da tarde. A pesar do marcador a favor, o control do partido e o dominio do balón foi para o Rápido de Bouzas que, unha e outra vez, chegaba á portería de Marcos Valín, aínda que o gardameta defendeu con seguridade a portería cortando as ocasións do equipo rival. O Racing chegaba a intervalos pero, nunha das poucas ocasións da primeira parte, cando se xogaba o min. 40 Rafa Mella aproveitou que o porteiro estaba adiantado para enviar o balón ao fondo da rede desde unha distacia de 30 metros. Co 2-0 chegouse ao descanso e na continuación, concretamente no min. 58, Pablo Rey aproveitou un bo pase de Cabanillas para marcar o 3-0. O Rápido de Bouzas xa estaba totalmente afundido e o segundo tempo foi dominado claramente polo Racing. Minutos máis tarde, de novo Pablo Rey, anotou o 4-0 definitivo ao facerse cun rexeite tras un lanzamento de Kamate que se estrelou no pau. A única nota negativa do encontro foi a lesión de Juan Martínez, cunha forte escordadura de nocello tivo que abandonar o terreo de xogo no min. 24.