PRIMEIRO REVÉS DA TEMPADA

O Racing encaixou o domingo a súa primeira derrota da tempada ao perder ante o Negreira por 2-0. O equipo racinguista cometeu erros en defensa e en ataque, aínda que dispuxo dalgunha que outra ocasión para marcar, non estivo acertado nos metros finais. Ademais, o primeiro tanto do partido chegou aos catro minutos de xogo e nunha xogada un tanto dubidosa xa que reclámase que Gonzalo se axuda da man para marcar tras varios rexeites. Non o entendeu desta forma o colexiado e o tanto subiu ao marcador. Xa na continuación, tras un novo rexeite, Nacho logra o 2-0 definitivo. Destacar que o Racing non estivo só en Negreira xa que estivo acompañado por un centenar de afeccionados. Algúns deles viaxaron nos seus coches particulares e outros no autocar fretado pola Pena Morandeira en colaboración co Racing.