TRISTE DESPEDIDA DA TEMPADA E DA CATEGORÍA

O Racing non puido pór peor colofón a un tempada nefasta, ao encaixar unha forte derrota na Malata ante o C.F. Palencia por 0-4. Un encontro que tivo dous partes moi distintas, unha primeira cunha boa actuación do equipo ferrolán que tivo varias ocasións para adiantarse no marcador. Non entanto, a máis clara foi para os visitantes ao lanzar un discutido penalti no min. 40, no que o gardameta Paco despexou de puños nunha excelente intervención, recollendo o rexeite Anatole que mandou o balón fóra, finalizando a primeira parte sen goles. Con todo, a segunda metade foi para esquecer. No primeiro minuto, un erro nun despexe de Garrido deixou o balón aos pés de Álvaro López que marcou de vaselina. Co marcador adverso afloraron os nervos en el Racing e no min. 57 Saavedra marcou o 0-2. O partido era como unha laxa para os ferroláns e no min. 65, falta de Garrido sobre Anatole co que o colexiado sinala un novo penalti e cartón vermello ao central racinguista, quedándose o conxunto local en inferioridade numérica, aínda que o lanzamento da pena máxima lanzouno Rui fora. Con todo, o sufrimento continuaba e catro minutos máis tarde Anatole marcou o terceiro, marcando este mesmo xogador o 0-4 definitivo no min. 77 de partido. Os xogadores ferroláns viviron uns últimos minutos crueis despedindo unha tempada para esquecer.