Luisito: "Mellor imposible pero isto non fixo máis nada que empezar"

29/08/2010

O técnico do Racing, Luisito, non ocultou a súa alegría polo resultado conseguido na 1ª xornada: "Mellor imposible. Este resultado vénnos moi ben para que os xogadores collan confianza. Na 1ª parte estiveron atenazados, nerviosos, pero na 2ª fixéronse cousas moi boas e que me sorprenderon". En canto ao partido ante o Ordes, o adestrador recoñece que o cambio de Marcos Álvarez por Baleato foi clave para o resultado final: "Marcos fixo un partido memorable e alégrome moitísimo por el."
Pola súa banda, o adestrador do Ordes, o ferrolán Michel Alonso recoñeceu a superioridade do Racing: "Aínda que o resultado é un tanto excesivo o certo é que é merecido por parte do Racing."