Malafaia e Juan Martínez recupéranse

29/04/2010

O plantel do Racing realizou, no campo principal da Malata, o clásico partidillo de entre semana. Un adestramento, de novo, condicionado polas numerosas ausencias e que limitan ao equipo para o encontro ante o C.D. Mirandés. Ademais da baixa por sanción de Curro Vacas, están descartados para o domingo Nacho Calvillo, Rubén Pérez, Rudy Carlier e Iván Romero por lesión, mentres que se mantén a dúbida de Marcos Álvarez, que tan só fixo carreira continua. Pola contra, a nota positiva do adestramento estivo na participación do portugués Ricardo Malafaia recuperado dos seus problemas musculares e de Juan Martínez, aínda que este non xogou a segunda parte do partidillo por precaución. Luisito dirixiu o adestramento no que, condicionado polas ausencias, tivo que botar man de Queco Piña como central e do xuvenil Rafa no equipo teoricamente titular que segundo se puido ver estivo formado por Reguero, Jonathan, Manuel, Garrido, Jesús, Carlos, Juan Martínez, Antón, Pablo Rey, Rafa e Permuy.