Tres novidades para viaxar a Eibar

09/04/2010

ANTÓN, CURRO VACAS e IVÁN ROMERO, son as tres novidades da convocatoria do Racing para o encontro do sábado, en Ipurúa, ante a S.D. Eibar. Pola contra, cáense da lista o francés RUDY CARLIER quen non se recuperou da súa lesión nas costelas, NACHO CALVILLO que cumprirá o primeiro dos dous partidos de sanción e DANI QUINTANA quen queda en Ferrol por decisión técnica. Ademais, DE PALMAS completa a lista dos xogadores non convocados. Luisito facilitou a convocatoria tras a última sesión de adestramento que se celebrou na mañá do venres no campo anexo da Malata. A convocatoria completa está formada polos seguintes xogadores: REGUERO, PACO, JONATHAN, GARRIDO, MANUEL, IVÁN ROMERO, JESÚS VARELA, DAVID FRANCH, MALAFAIA, JUAN MARTÍNEZ, CURRO VACAS, ANTÓN, RUBÉN PÉREZ, PABLO REY, CARLOS e MARCOS.