O centrocampista, Ernesto García Galego, terá que cumprir un partido de sanción por acumulación de amoestacións polo que será baixa para o encontro deste domingo ante o Cultural Areas. Ademais, a sanción leva unha multa económica de 22.50 euros.

O equipo adestrou esta mañá nos campos de herba artificial da Malata parar preservar o campo anexo debido ás intensas choivas que han caido nos últimos días. Os xogadores comezaron a preparar o encontro do domingo ante o Cultural Areas nunha sesión que contou coa ausencia de Rubén Pérez que sofre unha rotura fibrilar no biceps femoral e será baixa durante os próximos 15 días.

O Racing sumou un punto na súa visita ao campo do Lalín nun partido que finalizou con empate a un gol. Currás adiantou ao equipo local cando se xogaba o min. 17, mentres que Rubén Pérez lograba o gol da igualada no min. 62. En xeral, non foi un bo partido dos ferroláns que pagaron caro os erros defensivos, ademais tampouco tiveron moitas chegadas á meta rival polo que, ao final, dáse por bo o empate.

José Manuel Aira que dispón de todo o plantel para esta xornada, confía nos mesmos xogadores que golearon ao Pontevedra para enfrontarse ao Lalín, o domingo, ás 16.30 h., no Manuel A. Cortizo.
A lista de convocados está formada por: MARCOS VALÍN, PACO, CARLOS, ANTONIO, PUMAR, AFONSO, JUAN MARTÍNEZ, PEDRO GARCÍA, ÓSCAR CÉSPEDES, ERNESTO, RAFA MELLA, PABLO REY, RUBÉN PÉREZ, KAMATE, ELVIS e DANI CABANILLAS.
Quedaron fóra da lista, RUBÉN PARDO, EKEDI, HÉBER e BORJA FACAL.

Ao non completarse un número considerable de afeccionados, a FDP e o Racing suspenden a excursión programada con saída ás 14.00 horas da Malata. Con todo, mantense a da Pena Morandeira con saída ás 11.00 horas.
(17/11/11) Este fin de semana, o Racing viaxará a Lalín para enfrontarse ao equipo da devandita localidade e, tras a contundente vitoria ante o Pontevedra, organizáronse dúas excursións para os afeccionados. Por unha banda, e como é habitual, a FPR en colaboración co club ve[...] Continuar lendo.

FINAL
min. 82 (5-0) Golazo dende fora da área de Pedro García.
min. 79 (4-0) Gol de Cabanillas a pase de Céspedes.
min. 46 (3-0) Gol de Pablo Rey pola banda dereita de disparo cruzado.
DESCANSO
min. 23 Gol de Elvis a centro, dende a dereita, de Kamate. (1-0)
min. 42 Penalti de Richi sobre Ernesto. Lanza Pablo Rey pero despexa o porteiro. O mesmo despexe cae aos pes de Pablo Rey que marca o 2-0.
Alineacións:
Racing.- Marcos Valín, Carlos, Antonio, Alfonso, Pumar, Ernesto, Céspedes, [...] Continuar lendo.

O técnico José Manuel Aira respiraba satisfeito na rolda de prensa tras a vitoria ante o Pontevedra: "é un triunfo moi importante ante un bo equipo. Espero que esta vitoria nos de a vitamina que nos faltaba e que nos de a confianza que necesitamos en casa. Díxenlles aos xogadores que gocen da vitoria ata o mércores porque sufrimos moito este ano, pero a partir do mércores a pensar no seguinte partido". O adestrador engadiu que: "se somos intelixentes esta vitoria vainos a axudar moito. Dem[...] Continuar lendo.

Por segundo ano consecutivo, ALCER e o RACING colaboran na campaña da doazón de órganos. Neste sentido, coincidindo co partido que disputarán o Racing e o Pontevedra este domingo na Malata, celebrarase o "Día da doazón de órganos". A iniciativa consistirá na instalación de mesas informativas nas portas de acceso ao estadio con repartición de dípticos aos afeccionados que poderán formalizar a súa alta como socios de Alcer.

Esta mañá, no Instituto Saturnino Montojo, tres xogadores do primeiro equipo: PACO, CÉSPEDES e PEDRO GARCÍA, colaboraron coa ONG Save the Children na campaña "VIII Carreira Quilómetros de solidariedade cos nenos dá República Democrática do Congo". Esta actividade desenvolveuse dentro da celebración do Magosto por parte dos alumnos do IES Saturnino Montojo.

Esta mañá, faleceu en Ferrol e á idade de 89 anos, o expresidente do Racing, D. Ramón Sánchez Dopico que presidiu ao conxunto verde en dúas etapas: 1966-1970 e 1971-1976.(D.E.P.)
O Consello de Administración do Racing expresa o seu máis sentido pésame aos seus familiares e comunica que o domingo, día 13, con ocasión do partido da Malata, RACING-PONTEVEDRA, gardarase un minuto de silencio e os xogadores do equipo ferrolán lucirán brazaletes negros.